موقع خبر مباشر يقدم لكم اليوم قصة خدعة غنطس من تأليف وكتابة الكاتب الأردني (معاذ مقدادي) لمتابعة صفحة الكاتب على فيسبوك قم بالضغط هنا
-مرحبا انا (نهار) عمري 34 سنه ، رح احكيلكم قصتي وياريت الكل يقرأها لحتى تكون قصتي عبره، وتحذروا من الي صار فيني قصتي هي:انا انسان ماكنت مقتنع بإشي اسمه جن ومعروف بكلمة جن يعني الخفاء الي ما بنشوفه ، ف اي شي مابتشوفه بتقدر تحكي عنه جن، انا حدا ماكنت مقتنع باشي اسمه جن ، وصارت هالحكايه مع والدي (ابوي) بيوم كنا سهرانين وقاعدين لانه كانت الدنيا ثلوج وحالتنا يرثى لها جدا سيئه ، كلنا قاعدين بغرفه وحده وصوبه وحده ، ابوي اعتذر من القعده وقال لازم اروح اعمل مجاري المي لحتى الثلج يذوب على البير طلع ابوي وكانت الساعه 1 الصبح ، بعد تقريبا خمس دقايق من طلعته صرنا نسمع صوت تخبيط وصراخ ، او بالاحرى (جعير) بصدر من ابوي ، كلنا ركضنا لبرا نشوف شو يلي صار، شفنا ابوي مرمي على الارض واصابعه بيقلو وتحركات جسمه ابدا مو طبيعيه ، شبيهه بحركات الزومبي وبطلع صوت مو صوته ، اخذناه ودخلنا لجوا غيرناله اواعيه بصعوبه لانها كانت مبلوله ،
اقرأ ايضا: قصة ذكاء ما بعد الرعب
وضلينا ثلاث ساعات متواصلات واحنا نحكي معه ونمسكه ونثبته لحتى يوقف عن التحركات ماقدرنا لحظات وطفت الكهربا هون زاد الخوف والرعب يلي بينا ، صرنا نشوف خيالات بالبيت واكثر من شخص صرنا نشوف ، صرنا نسمع ببكاء وصراخ ونحيب ، واي صوت ممكن يصدره الانسان ، بيجي بكل مكان ركضت انا على المصباح يلي بالجرار ، وشغلته هون كانت الصدمه ، اختي الصغيره مختفيه ، وابوي شكله مرعب ، عيونه قالبين وشعره صار ابيض وصار شبه هيكل العظمي ، كانت بيتطلع علي وطاعج رقبته على الجهه الشمال ، وبيتطلع وبيضحك ضحكه مرعبه ابتسامه شلعت قلبي رعب امي واخواني الصغار كانو بيبكو وحاظنيتهم امي ومخفيتهم عن المنظر ، انا ماكنت بقدر اعمل اشي قعدت على ركبي من الخوفمو من منظر ابوي لا ، من المنظر يلي شفته ورا ابويكان في شخص معاه سيف ووجه طويل شبه افلام الكرتون ومرعب جدا ، كان حاطط السيف على رقبة ابوي ، وبده ينحره ، الشخص المارد كان مرعب وكانت نظراته الي كانه بحكيلي تعال فك ابوك قمت ووقفت على اجري واتقدمت خطوتين ، صرت احس اصابع اجري بنملو، كانه في حد دخل فيهم كانه في شي صارلي ، انا تغيرت الخطوتين هدول كانوا مصيري بعدها صرت احس باشي بيتطلعلي من اصابع اجري لفوق صارو لعند خصري انا كنت بتطلع على حالي ومش قادر احرك رجلي في اشي ماسكني وفجاهوقف الس بتحرك فيني بطل يطلع لفوق ، بس صرت اتراجع لوراارجع لورا بدون ارادتي، ارجع وارجع لحتى صرت برا الغرفه وفجاه سكر باب الغرفه ،
حاول اتقدم لافتحه ماقدرت بس اتطلعت حولي في اشي مختلف ، انا مش ببيتي مش هاد البيت يلي انا فيه كنت شبه كهف وجواته شجر ومنظر مرعب ، صرت اسمع صوت الحيوانات وفجاه صار هدوء ، بالهدوء هاد ، حسيت خرمشه جايه بتجاهي ، وفجاه طلع بين االشجر، كلب او ذئب مو مبين ملامحه منيح ، او انا مو عارف الفرق وقف على رجليه ونطقاه نطق ، حكى مثلنا وبلغتنا اول كلمه نطق فيها قال ، (نيهاار) نعم نيهاار ، مد بالياء سكتت ماقدرت احكي رد ناده علي مره ثانيه (نيهار)وفجاه نطقت بدون وعي ومو انا يلي نطقت قلت امركمو انا يلي قلت امرك ، واكيد بمواقف زي هاي ما تقدر تقول أمرك غير نعم قال الحيوان : حياتك وحياة اختك وابوك بين ادين اختار يا بتقتل اختك وابوك ، وبتصير انسان لك الحق سكون معك الخاتم المالك ، او احنا بنقتلهم ورح ناخد من راسك كل الذكريات لتعيش حياه بدون تفكير فتحت عيوني من يلي بيحكيه بس في شي مو فاهمه ايش معنى الخاتم المالكقال : هاد الخاتم رح يكون تحت امرك 20 جني واي وقت تحتاجهم بس بتنفخ عليه في بداخلي شي كان يحكيلي وافق وافق هزيت براسي بالموافقه وفجاه صرت اسمع صوت صريخ وضرب كنت اتلفت حولي مافي حد معي وانا ببيتي كان كل شي بلمح البصر اجري صارو يتحركو
ركضت عالباب وفتحته لقيت اختي الي كانت مختفيه موجوده ومقتوله ، وابوي مقتول ، وفي شخص معطيني ظهره بس التفت علي كانت الصدمهكان شبيهي ، كنت انا صرنا ثنين ، حكيتلو بخووف ورعب ، انت مين اتقدم علي ووقف قدامي وهمس باذني انا قرينك والي بكون دايما معك ،كونك وافقت اديت المهمه عنك لانه انا وانته واحد صح??اتطلعت عليه وهزيت براسي (صح)مر تقريبا 3 اشهر على موت اختي وابوي ، وامي واخواني طردوني ومابدهم ياني وكل الشرطه بتلاحقني ، بس ماحد بقدر يمسكني ، لاني مستعين بالجن ……
هههههههه دائما الانسان جاهل ، وكنا نسمع منكم المثل يلي بقول الجاهل عدو نفسه ، (نهار) مات بعد ما كتب هاي القصه تبعته لانه رح يكشفنا ، بس احنا العالم السفلي اذكى منكم يا بشر ووقعتوا بالفخ وانا (غنطس-الذئب) يلي وقعتكم فيهاالقصه بتحتوي على طلاسم وعبارات واحنا حطيناها بفقرات قصته وبين السطور، بس اكيد مارح تقدروا تميزوها الطلاسم بتخليكم تشوفونا دايما ، وهاي الطلاسم بتفك التحصين عنكم، يعني باي وقت منقدر ندخل جواتكم ونتحكم فيكم كونك قرأت القصه هاي ، اليوم انتظرنا ورح نكون كمان بانتظارك لحتى نفرجيك عالمنا وتكون منا
#معاذمقدادي
#هورش#
كوابيس
