اخر الاخبار

قصة بعنوان ( أموات عادوا )

موقع خبر مباشر يقدم لكم اليوم قصة ( أموات عادوا) الجزء الأول من تأليف وكتابة الكاتب الأردني (معاذ مقدادي)

أموات عادوا

بعد بوفاة صديقي (حمدي) ب8اشهر وانا كل يوم اروح على قبره واقرأ الفاتحه ، واقعد عند قبره ليحل الغروب ، بيوم وبالتحديد الاربعاء قعدت عند قبره ، وانا بشوف ولد صغير عمره بحدود ال12 سنه بحوم حول المقبره وبركض من اولها لاخرها ، اذن المغرب وقلت لازم اروح اصلي واقعد مع عيلتي قبل ما اقوم اتلفتت حولي ما لقيت الولد وين اختفى??ما اعطيت اهميه وقمت والاقيه بوجهي مباشره ،انصدمت منهكان مظهره عادي لابس بيجامه صفرا وبلوزه

سكنيه بحكيلي وين قبر (حمدي)??حكيتله مين انته وليش بتسال حكالي-لانه جاري قولتله كيف جارك حمدي جاري وطول عمري عنده ماعمري شفتك ،مين انته ومنوين جاي وليش بتسال عن قبر حمديوقتها كان عادي الوضع ماكنت خايف ابدا وما اهتميت للموضوع بس يلي لفتلي انتباهي وخلاني ارتبك اكثر لما أشر بإيده وقال هاي قبر (حمدي) كان قبر حمدي وراه مباشره ،قولتلهمدام بتعرف قبر حمدي ليش بتسال ، عم السكوت بينا صفنت فيه وهوه صفن فيني اعطاني ظهره وراح ،انا من الرعبه بطلوا اجري يحملوني لقيت صخره وراي وقعدت عليها لما رحت عالصخره

اكيد رح اعطيه ظهري بس اتطلعت عليه ما لقيته اختفى??هون صارت الشكوك تدور براسي وبلشت افكر بالموضوع واستخرج افكار سميت بسم الله وقمت وروحت عالبيت صليت العشا وقعدت برا مثل دايما زلم الحاره بقعدوا على باب الدكانقعدت عندهم وحكيتلهم يلي صار ، في منهم صدقوني ومنهم لا(ابو احمد) حكالي مزبوط كلامك لانه بعد وفاة حمدي باسبوع مات طفل بالحاره الثانيه بالعمر يلي حكيت عنه مابين 10-12 سنه ،بس مابعرف مين هوه وابن مين بكن،بكرا بتروح عالقبر وبتشوف مين في جنب قبر (حمدي) وبتشوف ابن مين انا يلي خلاني افكر

بالموضوع اكثر وارتعب ، بحكيلي حمدي جاري ??وبسال عن قبره وهو جنب قبره وجاره?? اكيد في إنه بالموضوعثاني يوم رحت عالقبر وفعلا بعد وفاة حمدي باسبوع في قبر محطوط عليه التاريخ بس مو مكتوب اسم الطفل ولا ابن مين بس محطوط تاريخ الوفاه هون لازم ابحث بالموضوع لحتى اعرف ابن مين الطفل ، بدي اشوف اهله ويفرجوني صورته ، لانه لسه صورة الطفل عالقه براسي وحافظ شكله ، بدي اتاكد اذا ابنهم نفسه او لا رحت عالحاره وصرت اسأل اهل الحاره عن طفل مات بتاريخ 16/3/2019 واهل الحاره حكولي هاد بكون ابن (ابو قاسم) دلوني عالبيت ورحت عليهمبس ماكنت بدي احكيلهم القصه، لازم اخفي الموضوع لحتى اتاكد بس دخلت البيت

لقيت ابو قاسم قاعد برا ، اتحججت بإني ابوه لصاحب ابنه ، وحابب اخذ صوره اله لإبني ،انبسط ابو قاسم وشربني فنجان قهوه وجابلي صورة ابنه بمغلف ، ماحبيت افتح الصوره بخاف يصير فيني صدمه اذا اتاكد انه هو ، خلصت فنجان القهوه واستأذنت من ابو قاسم ورحتوانا بالطريق فتحت المغلف كانت هون الصدمهنفس الطفل يلي شفته بالمقبره نفسه يلي بالصوره ، اتلبكت بالمشي ورحت لعند ابو احمد اكمله باقي القصه ، حكيتله وفرجيتو الصوره وهوه كمان انصدم وصابته رعبه وقتها انا بطلت اقدر احمل اجري ، مو مصدق اني شفت واحد ميت ورجع عالحياه

وحكيت معه??بعدها اندفن الموضوع وقلت لابو احمد ما يحكي لأيآ كان بعد مرور اربع اشهر كول هالفتره مازرت قبر حمدي بسبب الولد ، بس بمرور الاربع اشهر بردت القصه وراح الخوف مني رحت لعند القبر وقرأت الفاتحه عن روحه ، وصبيت مي عالقبر ، اتطلعت على قبر الطفل اتملكني الخوف وصرت اصب المي على قبرهوفجاه كان الولد وراي مباشره ، وقع كردل المي من إيدي من الرعبه ، حكالي ، امبارح ابوي اجى علي وحطلي مي ، حط كل المي

عند حمدي لانه اله زمان ماحدا سقاه لحد الان الرجفه وتملك الخوف سيطر علي ، وبعدها حكالي-ماتحكي لابوي إشي لانه بتعذب على فراقي وانا اجيت مرتين عليك لحتى احكيلك انه حمدي بشكرك على الدعاء يلي بتدعاله ياه وكل مره بتزورو وبتحكيلو عن كل إشي مثل دايما ، وهوه مبسوط بقبره وبقلك لا توقف دعاء عليه بعد ما حكالي الطفل هيك بلش جسمي يخف اول باول وصار الوضع شبه طبيعي ،ارتحت كثير بس خلص كلامه بحكيلي لا تطلع علي

واعطيني ظهركبدون تردد اعطيته ظهري واختفى ،اختفى بدون ما احكي بكلمه ،كانه طلعلي يعطيني الرساله ويروح واخفيت الموضوع كامل ،وماحكيت لاي حدا عن القصه غير ابو احمد #الحكمه_من_القصهالله شرع الدعاء الى الاموات بقوله تعالى (والذين جاءوا من بعدهم يقولون ربنا اغفر لنا ولأخواننا والذين سبقونا بالايمان)صدق الله العظيم ولا تنسوا الدعاء والاستغفار والصدقه لموتاكم فأنها تصل لهم ويخبر بها ويقولون له لقد اتتك حسنه من فلان

اقرأ ايضا: قصة بعنوان ( ذات ليلة ) الجزء الثاني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى